mazaar-e-be-bunyaad

jub pahaaR ke peeChe heek ho mauj-e-toofaN ki
jub neend rooh-e-sehr ki KhwahaaN ho raat bhar

to mazaar-e-be-bunyaad se pheNkay huay kuCh
tukRoN se utna hee mustafeed hoga bhaNwraa

ke jitni gehraai ka haamil hai waaiz ki bachkana
laffaazi. jub neend rooh-e-sehr ki KhwahaaN ho

raat bhar to pahaaR ki soch mauj-e-toofaN ke
siwa aur kaheeN na bhaTke gi. aur jub waaiz

ki laffazi-e-be-bunyaad ka pol khul hi chuka hai
to aql ka taqaaza yehi he ke boseeda lashoN ke

Dher me usay bhi baRi nafaasat baRay ehtamaam
ke saath ik bachkaana kafan may gaaR diya jaae.